இன்னும் எத்தனை ‘திவ்யா’க்கள் இப்படி ?

சாக்கடையில் மீன் பிடித்துக்

குழம்பு ருசி பார்க்கிறதே இந்த ஜாதி வெறி

இன்னும் எத்தனை ‘திவ்யா’க்கள் இப்படி ?

களிமண் பொம்மையாகிவிட்டாள் திவ்யா .

தர்மபுரி எரிந்த போது

எந்தத் தலைவர்களும் அறிக்கை விடவில்லை.

அரசியல் பேசவில்லை .

எந்த பக்கம் நின்று பேசினாலும்

குடிசைகள் எரியும் !

பேருந்துகள் உடையும் ! கல்லடிகள் நிச்சயம் கிடைக்கும் !

தற்கொலை செய்தானா இளவரசன் ?

எழுதுகின்றன செய்திகளை ஊடக விரல்கள்!

இதில் நம்பிக்கயில்லை ! அழுகின்றன ஆயிரம் குரல்கள் !

‘தான்’மை கொண்ட தேசமிது

சலித்துப் போன மடமையை நுரைக்க வைத்து

மூச்சு முட்ட திண்ணும் வெறிக் கொள்ளும் நாசமிது .

இன்னும் எத்தனை ‘திவ்யா’க்கள் இப்படி ?

மனிதர்கள் அனைவரும் பகுத்தறியும் பாவிகள் .

கல் மனிதர்களாகவே இருந்திருக்கலாம் .

எதற்கிந்த கலாச்சாரம் , எதற்கிந்த கம்பியூட்டர்கள் ,

எதற்கிந்த பேனாக்கள் , எதற்கிந்த புத்தகங்கள் ,

எதற்கிந்த ஆடைகள் , அலங்காரங்கள் .

மனிதர்கள் அனைவரும் பகுத்தறியும் பாவிகள் . 

-சந்திரபால் .